PAGASA (Philippine Atmospheric, Geophysical & Astronomical Services Administration) sustituiu o seu supercomputador SGI por un sistema cluster en Linux Debian para procesar a información vital que preveña contra os tifóns, as inundacións, as sequías, os tsunamis e outras condicións meteorolóxicas.

O cluster consta de oito ordenadores funcionando como un so nodo, conectado a través dun conmutador gigabit, cada un emprega procesadores dual 64-bit Intel Xeon correndo o sistema operativo Linux Debian.

A revista Novática , no seu número 190, novembro-decembro de 2007 acaba de publicar unha monografía de Software Libre adicada a investigación e desarrollo.

Concretamente onte chegou o número as nosas mans, xa que nunha das nosas actividades como asociación, este outubro pasado realizamos unhas xornadas de software libre no ensino e contamos coa colaboración deles. Durante as xornadas coñecimos a Rafael Calvo que nos falou en representación de ATI e acordamos manter relacións de colaboración mutua e axudarnos en todo o que nos fora posible. Fruto destes acordos dironnos a posibilidade de publicar un artigo sobre as xornadas o cal poderedes atopar neste número nas seccións técnicas titulado como "Software Libre en la Enseñanza: primeras jornadas organizadas por OuSLi en el ámbito de la educación".

Tamén queremos destacar dentro desas seccións outro artigo moi interesante polo tema que aborda e ademais polo gran respeto e cariño que lle collimos ao seu autor, Mario Izquierdo. O artigo leva o título de "TCOS: uso de terminales ligeros en las aulas". Sobre este tema, Mario deu unha conferencia nas nosas xornadas de ensino e deixou a tódolos presentes abraiados. Pódedes comprobalo no seguinte streaming da súa conferencia que está aloxado na páxina web da tv.uvigo. Un abrazo crack de tódolos da asociación.

GUIA_LinEx (Xestión Unificada da información para Concellos e Deputacións Provinciais) é o sexto dos "sabores" de gnuLinEx que desarrolla a Xunta de Extremadura dende que o 17 de marzo de 2002 se presentase o primeiro na capital autonómica.

Dende aquel momento ata agora non levan parado de traballar e levan sacado versións con utilidade específica para o sistema educativo extremeño (LinEx-Edu /LinEx-Cole ), a pequena e mediana empresa (LinEx-PYME ), a sanidade pública (SES-LinEx) e o sistema administrativo da Xunta de Extremadura (LinEx SP), ademáis do gnuLinEx stándar.

Este novo desarrollo, GUIA-LinEx, está destinada a proporcionar especialmente a concellos e deputacións provinciais a posibilidade de unificar os seus sistemas de información baixo un sistema sinxelo e potente con soprote e-DNI aos seus traballadores.

Dentro do Proxecto GUIA crearon de forma complementaria ao sistema operativo unha serie de aplicacións web de e-Administración entre as que se poden mencionar no momento actual SIAL (Sistema de Información de Administración Local) e e-ASLA (Tramitación Urbanística) dispoñibles no escritorio dende o primeiro momento.

Vía: La Flecha .

Web Oficial do proxecto: GUIA LinEx .

De todos é coñecida a iniciativa de Negroponte no MIT de levar aos países máis pobres, educación da man dun revolucionario portátil. Esta iniciativa chamouse OLPC - One laptop per child (Un portátil para un neno). 

Sugar é a aplicación Software GUI que está encima do Sistema operativo de ese portátil. É unha aplicación feita por moitisimos profesionais da educación. Todo o software que funciona nese proxecto é GPL.

Has instrucións para poder lanzar esta aplicación...