Esta nova xa fai uns días que se produciu e non é outra que a recente creación de ASOLIF, a Asociación Nacional de Empresas de Software Libre Federadas. A iniciativa partiu das asociacións empresariais de Software Libre de Canarias, Cataluña e Euskadi; ESLIC , CatPL e ESLE respectivamente, para crear unha Federación (Confederación) de asociacións empresariais de Software Libre que reuna a aquelas asociacións empresariais que teñan dentro dos seus obxectivos ou na súa estratexia a difusión, promoción do uso do Software Libre. Con esta iniciativa pretendese crear unha entidade de maior visibilidade e que se poida convertir nun interlocutor "moi válido" e nunha voz que sexa escoitada para que o sector nacional de empresarios de software libre cada vez teña máis forza.

Dende o primeiro momento contaron co apoio do CENATIC (Centro Nacional de Referencia de Aplicación das Tecnoloxías da Información e a Comunicación basadas en Fontes Abertas). O CENATIC é unha fundación pública  promovida polo Ministerio de Industria, Turismo e Comercio que comezou a súa andaina o 20 de novembro de 2006, data na que se constituiu o seu Patronato fundacional. Tratase do único proxecto estratéxico de carácter nacional para impulsar o coñecemento e uso do software de fontes  abertas , estando aberto á participación administracións públicas, empresas, universidades, grupos de I+D+i e usuarios e desarrolladores deste tipo de tecnoloxías.