Artigo 1º.-
1.- Constitúese unha asociación sen ánimo de lucro das previstas na Lei orgánica 1/2002, do 22 de marzo, reguladora do dereito de asociación. A asociación ten a seguinte denominación “ASOCIACIÓN CULTURAL OURENSANA DE SOFTWARE LIBRE" (OSLI).
2.- A asociación rexerase polos ditos estatutos, pola Lei orgánica 1/2002, do 22 de marzo e pola demais lexislación existente en materia de asociacións que lle sexa aplicable.

Artigo 2º.- O domicilio principal e permanente da asociación radicará na localidade de Ourense, correo electrónico Este enderezo de correo electrónico está protexido contra os robots de spam; necesita ter Javascript activado para podelo ver

Artigo 3º.- A asociación, en funcións dos seus fins e do emprazamento do seu domicilio social, exercerá fundamentalmente as súas actividades no ámbito territorial de comunidade autónoma.

Artigo 4º.-

1.-A asociación constitúese por tempo indefinido e só se disolverá, conforme a estes estatutos, pola vontade dos asociados expresada en Asemblea Xeral Extraordinaria ou polas causas previstas na lexislación vixente.
2.- A asociación rexerase segundo os principios democráticos contidos no marco da Constitución e o resto do ordenamento xurídico.

Artigo 5º.-
1.- Son fins principais da asociación:

2.- Para levar a cabo os seus fins, poderá a asociación organiza-las seguintes actividades:

• a.-Organización de charlas, cursos, xornadas e congresos divulgativos relacionados cos fins da asociación.
• b.-Colaboración e intercambios con proxectos de outros grupos similares a nivel nacional e internacional.
• c.-Organización de viaxes a conferencias, congresos e acontecementos relacionados co Software Libre.
• d.-Reunión dos socios da asociación.
• e.-Desenvolvemento de actividades que axudan á introducción do galego no ámbito do software libre.
• f.-Proxectos de desenvolvemento e programación de aplicacións baixo licencias libres.
• g.-Participación naqueles actos e actividades que contribúan ao cumprimento dos obxectivos da asociación.
  

Os beneficios que se obteñan por calquera concepto destinaranse exclusivamente ó cumprimento destes fins, sen que se poidan repartir entre os asociados nin outras persoas físicas ou xurídicas con interese lucrativo.