As II Xornadas de Programación Web con Software Libre arrincaron hoxe no Salón de Actos do Edificio Politécnico do Campus de Ourense da Universidade de Vigo.

Durante o acto inaugural, Juan Francisco Gálvez Gálvez, Vicerreitor do Campus de Ourense, Antonio Pérez Casas, Asesor do Conselleiro de Innovación e Industria en materia da Sociedade da Información, Enrique Barreiro Alonso, Director da Escola Superior de Enxeñaría Informática da Universidade de Vigo, Xavier Castaño García, socio de Igalia e José Ramón Méndez Reboredo, Vicepresidente de OuSLi, presentaron as Xornadas a través dos diferentes puntos de vista, proxectos e obxectivos das distintas institucións que representan, conformando un marco da situación actual do Software Libre en Galicia e que podemos agardar deste evento.

Estanse a retrasmitir as xornadas en directo a través desta web ou a través de esta ligazón...

O link directo é: mms://193.146.209.50/directo - Abrilo con VLC

Na web das Xornadas, http://encontros.ousli.org , atoparedes información actualizada en todo momento do desenvolvemento das Xornadas.

Sen máis que engadir, dende a Organización das Xornadas, agardamos que podades disfrutar dos contidos e relatorios que procuramos e que pasedes un bo rato nas Xornadas.