O obxectivo deste proxecto é idear e pór a disposición da comunidade unha plataforma de conexión a internet, de banda larga funcionando con software libre e alimentada por enerxías renovábeis.

A Rede non existe ata que non está ao noso alcance. A realidade non é realidade ata que os meus ollos poden achegarme a ela. O noso potencial non vai ir a ningures se non se pode expresar na Rede. Se todo o mundo non chega, non chegou ninguén. Se queremos chegar a onde non chega a rede, temos que facer que as "portas de entrada" sexan quen de adaptarse ao medio, ao que está ao seu alcance en calquera sitio.

Pensamos nunha máquina con conectividade Wan fornecida pola rede UMTS, ou pola rede WiMax, no seu caso. Pensamos nunha máquina que non precise de cabos, nin de datos, nin de electricidade. Unha máquina alimentada polo sol, ou polo vento.

Dispor dunha máquina relativamente potente en "calquera lugar" da un chisco de idea da potencialidade do proxecto: podemos empregar esta máquina para calquera función das que un computador de hoxe en día pode facer. Dende recollida de datos de calquera tipo de sensor electrónico, ata nodo de comunicacións nunha estrutura de rede máis complexa (e que, polo tanto, sae das metas deste proxecto, pero que tamén habería que explorar), no que o Belenus sería o elemento básico.

Fonte da nova: agnix .

Máis información aquí.