Os encontros celebraranse no marco das I Xornadas de Software Libre no Ensino, promovidas pola Asociación Cultural Ourensana de Software Libre (OUSLI) en colaboración co Cenatic e que se están a celebrar este fin de semana (19-20 de Outubro). O lugar de encontro será o día 20 de outubro na Escola Superior de Enxeñería Informática (Edificio Politécnico), Campus As Lagoas - Ourense, ás 10:45 da maña. A Fundación Cenatic organiza este encontro cos axentes do sector das Tecnoloxías da Información e as Comunicacións en fontes abertas de Galicia, co fin de escoitar as súas inquedanzas e establecer sinerxias.